Viral Fever Ke 10 Gharelu Ilaj

Viral Fever

Viral fever adhiktar mausam me badlav aur tempratue me parivartan ke karan dekhne ko milta hai. Yeh fever achanak hi mehsus hone lagta hai. Viral fever hone par marij ko bahut adhik kamjori ka ehsas hota hai. yeh fever kai bar adhi thakavat ke karan ya neend puri na hone ke karan bhi ho sakta hai. Iss rog ka ilaj lakshano ke adhar par hi kiya jata hai.Viral Fever Ke 10 Gharelu Ilaj

Virus ke infection ke karan ise Viral fever ke naam se jana jata hai. Yeh bukhar ek se dusre vyakti me bahut tezi se failta hai. Yeh bukhar 5-7 din tak bana reh sakta hai. Iss bukhar ki shurat ek samanya bukhar ki tarhe hi hoti hai. Viral fever ke kucha lakshan aur gharelu ilaj niche diye ja rahe hai.

Viral Fever Ke Lakshan

 

* Viral Fever hone par body me thakavat mehsus hopti hai.

* Aksar gale me dard, naak ka behna, jukam aur khansi se hi iski shuruat hoti hai.

* Iss fever me body ka tempreture ek dam badhne lagta hai.

* Viral fever ka bada lakshan yeh hai ki sir me tej dard ya sir me bhari pan hota hai.

* Sare Sharir me dard hota hai. Mussles pain aur joints pain ki problem rehti hai.

* Iss Bukhar me Muh ka swad kadwa ho jata hai.

* Viral fever ke doran Bukh nahi lagti.

You May Read :

Bukhar Malaria Ka Gharelu Prakartik Ilaj

Viral Fever Ka Gharelu Ilaj

 

1. Viral fever me Tulsi ka paryog bahut hi uttam hota hai. Tulsi ke patto ki chai ya kahara peena bahut hi labhkari hota hai. Tulsi ke patto ko chaba kar khane se bhi iss rog me labh hota hai.

2. Viral fever me kai bar pani ki kami ki shikayat ho jati hai. Iss liye iss bukhar ke doran adhik se adhik shudh pani peena hitkari hota hai. Pani ko ubal kar thanda karke seven karna uttam mana jata hai.

3. Viral bukhar me sabut dhaniya ki tea banakar peene se iss bukahr me kafi aram milta hai.

4. Viral bukhar hone par apne bhojan ka vishesh dhyan rakhe. Iss bukhar me khali pet na rahe. Iss bukhar me Poshtik bhojan lena bahut hi awashyak hai.

5. Viral fever me 1chammach shahad me 2 laung pees kar milakar lene se labh hota hai.

6. Viral fever me lahsun ki kaliya khane se aur lahsun ko sarso ke tel me jalakar iss oil se pairo par massage karne se iss bukhar me kafi aram milta hai.

7. Viral Bukhar me dil beej aur dalchini ka kahra banakar peene se bhi bukhar me aram milta hai.

8. Viral fever me methi ka pani peena bhi labhkari hota hai. Raat ko methi dana ko pani me bhigokar subhe iska pani peene se bukhar me labh hota hai.

9. Iss bukhar me muh ka swad kharab ho jata hai. Issliye iss bukhar ke doran adrak wali chai peena accha mana jata hai. Isse gala saff ho jata hai aur bukhar me bhi aram milta hai.

10. Viral fever me Tulsi, adrak, kali mirch, kala namak, chai patti, laung aur nimbu ka ras milakar kahara banakar peene se bahut hi labh hota hai.

Vishesh:

Viral fever hone par thanda pani nahi peena chahiye.

Iss fever ke doran dahi ka upyog nahi karna chahiye.

You May Also Like :

Dengue Fever Ka Gharelu Ilaj

Dengue Bukhar Ke Lakshan – Symptoms Of Dengue Fever

Swine Flu Ka Gharelu Ilaj