Salman Khan Honge Rio Olympic Me Bharat Ke Sadbhavna Doot

RIO OLYMPIC ME BHARAT KE SADBHAVNA DOOT – SALMAN KHAN

 

5 August se shuru hone wale Rio olympics ke liye bharat ki taraf se bollywood actor salman
khan ko sadbhawna doot banakar bheja jayega. Jis samay bhartiya olympics sangh ne yeh
ghoshna ki us samay bharat ke diggaj khilari bhi shamil the, jinme mahila mukkebaaz
khilari mary kom, hockey team ke captain sardar singh aur nishanebaaz apurvi ke sath aur
bhi bahut sare bhartiya players shamil hue.

Bhartiya olympics itihaas me yeh pehla moka hoga jab kisi bollywood star ko sadbhavna
doot banakar bheja ja raha hai. Iss moke par maujud sabhi khilari bahut khush najar aye.
mahila mukkebaj ne kaha, rio olympics me salman khan ka judna bahut hi khushi ki baat
hai. Bhartiya olympic sangh (IOA) ke chairman N. Ramachandran ne kaha ki salman khan
ke sadbhavna doot banaye jane se khel premi to akarshit honge hi sath hi bhartiya khilari
bhi olympic me achcha karne ke liye prerit honge.

Iss bare me khud Salman khan ka kehna hai ki Rio olympic ke liye chuna jana mere liye
bahut hi gaurav ki baat hai. Unhone  kaha ki yeh garv ki baat hai ki hamare khilari
olympic me bahut achcha pardarshan kar rahe hai aur mujhe lagta hai ki rio olympics 2016
padak ke lihaj se abtak ka hamara sarvshreshth olympics sabit hoga.

You May Also Read :

Bhujangasana Karne Ke 10 Fayde – Yoga Day

Dengue Bukhar Ke Lakshan – Symptoms Of Dengue Fever

Players Ne Prime Minister Modi Ke Sath Khichi Selfie – Rio Olympic 2016

Cycling Karne Ke Fayde – Body Fitness Sports

Titli Asan Butterfly Yoga Ke Fayde – Yoga Day